“Azərbaycan Psixi Sağlamlıq və Psixososial Dəstək İşçi Qrupu”nun (İşçi qrupu) təşkilatçılığı ilə tabeli tibb müəssisələrində çalışan psixoloq və psixiatrlar, eyni zamanda digər dövlət qurumlarının və QHT-lərin psixi sağlamlıq xidməti təminatçıları üçün növbəti onlayn seminar keçirilib.

 

Tədbirdə TƏBİB-in Ailə həkimliyinin təşkili şöbəsinin əməkdaşı, “Azərbaycan Psixi Sağlamlıq və Psixososial Dəstək İşçi Qrupu”nun rəhbəri Nərmin Osmanlı çıxış edərək psixi sağlamlıq strategiyası və fəaliyyət planının əsas hədəfləri, boşluqlar və zəruri tədbirlər, bu sahədə işbirliyi imkanları barədə danışıb.

 

Daha sonra “Psixi Sağlamlıq Mərkəzi”nin direktoru, prof. Fuad İsmayılovun “Psixi sağlamlıq sahəsində siyasət” mövzusunda məruzəsi dinlənilib.

 

Seminar iştirakçıları maraqlandıran sualların cavablandırılması ilə davam etdirilib.

 

Məlumat üçün qeyd edək ki, İşçi qrupu ÜST-ün təşəbbüsü ilə yaradılıb və TƏBİB-in həmsədrliyi ilə fəaliyyət göstərir.