Görüş zamanı Vüqar Qurbanov ölkəmizdə tibbi xidmətin əlçatanlığının təmin edilməsi və keyfiyyətli işin təşkilində hər iki qurumla qarşılıqlı əməkdaşlığın mühüm rol oynadığını bildirib. O, xaricdə təhsil almış və hazırda həmin ölkələrdə xidmət göstərən yerli mütəxəssislərin ölkə səhiyyəsinə qazandırılması, o cümlədən tibb müəssisələrində çalışan orta tibb işçilərinin bilik və bacarıqlarının artırılması istiqamətində mühüm işlərin görüldüyünü bildirib. V.Qurbanov inkişaf etmiş ölkələrin səhiyyə təcrübəsinin Azərbaycanda tətbiqinin qarşıda duran əsas hədəflərdən olduğunu qeyd edib.

 

Daha sonra ÜST-ün Azərbaycan nümayəndəsi Hande Harmancı həyata keçirilən layihələrə göstərdiyi diqqət və dəstək üçün təşəkkürünü bildirib. H.Harmancı əməkdaşlığın məqsədinin Azərbaycan səhiyyəsinə töhfə vermək olduğunu bildirib.

 

Görüşdə çıxış edən ABŞ Beynəlxalq İnkişaf Agentliyinin (USAID) Azərbaycan üzrə missiya direktoru Cey Sinqx isə səhiyyə işçilərinin bilik və bacarıqlarının artırılması, eyni zamanda ixtisaslı kadrların hazırlanması istiqamətində ölkələrarası təcrübə mübadiləsinin əhəmiyyətindən danışıb.

 

Sonda əməkdaşlıq perspektivlərinə dair müzakirələr aparılıb.