Aztibb.az xəbər verir ki, görüşdə F.Novruzi “Vaksin sertifikatı”nı Azərbaycanda əldə etdiyini və səyahəti vaxtı heç bir ölkədə problemlə üzləşmədiyini bildirib. F.Novruzi peyvəndin onu COVID-19 virusundan qoruduğuna da inanır: “Səyahət müddətində insanların sıx toplaşdığı yerlərdə oldum. Belə yerlər istənilən virusun yayılması üçün münbit hesab oluna bilər. Ancaq mən virusa yoluxmadım”.

 

Z.Əliyev bildirib ki, ölkədə vaksinasiya üçün hər cür şərait yaradılıb: "Əhalinin sağlamlığının qorunması məqsədilə ən effektiv vaksinlərin ölkəyə gətirilməsi təmin edilib. Əhalinin 4 vaksin növü üzrə peyvənd olunmaq imkanı var. Hazırda kifayət qədər vaksin ehtiyatımız mövcuddur. Vətəndaşların rahat şəkildə vaksinasiyası üçün ölkənin hər yerində məntəqələr təşkil olunub".

 

Görüşün sonunda F.Novruzi Z.Əliyevə xatirə hədiyyəsi təqdim edib.