Omikron dünyada böyük narahatlıq yaratmaqdaykən, vaksinlərin qorunması bir daha sual altına düşdü. Bir çox ölkə mRNA peyvəndlərində üçüncü doza tətbiqinə keçərkən, peyvəndlərin yaratdığı antikorlar üzərində əhəmiyyətli bir araşdırma aparılıb. 

Aztibb.az xəbər verir ki, Texas Biotibbi Tədqiqat İnstitutu və Verona Universitetinin mütəxəssisləri antikorların yaşa və cinsə görə dəyişməsini müəyyən ediblər.

Tədqiqatçılar Pfizer-BioNTech peyvəndinin iki dozasını vurduranları müqayisə edib. Öyrənilib ki, qadınlar və uşaqlarda kişilərə və 65 yaşdan yuxarı insanlara nisbətən daha çox antikor inkişaf edib. 

6 aya 50% azalma

Tədqiqatda antikor səviyyəsində də azalma müşahidə edilib. Yaş və cinsindən asılı olmayaraq, peyvəndin ikinci dozasından 6 ay sonra antikor səviyyəsinin 50% azaldığı görülüb. 

Texas Biotibbi Tədqiqat İnstitutunun açıqlamasında bildirilib ki, 6 ay ərzində antikor səviyyəsinin sürətlə aşağı düşməsi gücləndirici dozanın əhəmiyyətli olacağını bir daha göstərir.