Kliniki Tibbi Mərkəzin Neyrocərrahiyyə şöbəsinə müdir təyin olunub.

Bu barədə Aztibb.az-a Mərkəzdən məlumat verilib.

Bildirilib ki, tibb müəssisəsinin Neyrocərrahiyyə şöbəsinin müdiri vəzifəsinə tibb üzrə fəlsəfə doktoru, uzman-neyrocərrah Fərid Qaralov təyin olunub.

Qeyd edək ki, Fərid Qaralov 1982-ci il martın 12-də Bakı şəhərində anadan olub. 1999-2005-ci illərdə Azərbaycan Tibb Universitetinin (ATU) Müalicə işi fakültəsində təhsil alıb. 2006-2012-ci illərdə təhsilini Türkiyənin EGE Universitetində "Neyrocərrahiyyə" ixtisası üzrə davam etdirib. 2012-ci ildən ATU-nun Neyrocərrahiyyə kafedrasının assistenti, daha sonra ATU-nun Tədris Cərrahiyyə Klinikasında Neyrocərrahiyyə şöbəsinin müdiri və uzman-neyrocərrah kimi fəaliyyət göstərib.

F.Qaralov bir çox beynəlxalq, yerli neyrocərrahi konfrans və kurslarda iştirak edib.