Mütəxəssislər qripdən ölümlərin son 50 ilin ən çox ölümü ola biləcəyi barədə xəbərdarlıq ediblər. Koronavirusla mübarizə tədbirləri sayəsində 2020-ci ildə yoluxmaların 95 %-ə düşdüyü bildirilərkən, bu il qrip səbəbiylə 60 minə qədər ölümünün ola biləcəyi vurğulanıb.
 
Aztibb.az xəbər verir ki, digər tərəfdən, oxşar simptomları olan koronavirus və qrip narahatlıqları da artmaqdadır.

Öskürək, asqırma, yorğunluq, halsızlıq, burun axması və qızdırma kimi simptomlar demək olar ki, bir-birinə bənzəyir, lakin xəstəliyin nəticəsi və şiddəti bir-birindən fərqlidir.

Səhiyyə rəsmiləri bildirir ki, 1860-cı illərdən bəri hər il qış aylarında qrip şikayətləri davam edir. Keçən il pandemiya ilə əlaqədar çox ciddi ehtiyat tədbirlərinin görülməsi, sosial hərəkətliliyin azaldılması, eyni zamanda maska-məsafə qaydasının tətbiqi qrip epidemiyasını ciddi şəkildə azaldıb, hətta ümumiyyətlə müşahidə olunmayıb.

Bu il qış aylarının gəlməsi ilə qrip epidemiyasının yenidən sürətlə yayılmasını müşahidə edirik. Bu, tədbirlərə daha az əməl etməyimizin göstəricisidir.