Bakıda pediatr, neonatoloq və rezidentlərin iştirakı ilə “Sağlam gələcək-2” konfransı keçirilib.
Konfrans praktik həkimlərə qardaş Türkiyədə uşaqlarda yeni növ koronavirus (COVID-19) infeksiyasının gedişi xüsusiyyətləri, D vitaminin verilməsinə və digər problemlərə yanaşmanı öyrənmək və müqayisə etmək üçün imkanlar yaradıb.
Konfransa dəvət olunmuş Türk Milli Pediatriya Cəmiyyətinin İdarə Heyətinin üzvü, Ankara Universitetin Tibb fakültəsinin neonatologiya və pediatriya kafedrasının professoru Ömər Erdeve “COVID-19 pandemiyası dövründə yeni doğulmuş uşaqlar və onların inkişafı” və “Uşaqların qidalanmasında və inkişafında izlənməli olan təməl qaydalar” mövzusunda məruzələri ilə çıxış edib.
Əziz Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının dosenti, tibb üzrə fəlsəfə doktoru Nigar Hacıyeva “D vitamin haqqında həqiqətlər” mövzusundakı çıxışında D vitaminin tədqiqatlarda yeni aşkarlanan təsirləri və onun uzun müddətli istifadəsinin nəticələri haqqında məlumat verib.
“Leyla Medical Center” xəstəxanasının pediatriya şöbəsinin müdiri Yalçın Mirzəyev “İnək südü və protein allergiyası” məruzəsi ilə çıxış edib.
Mövzular ətrafında diskussiyalar aparılıb.