Ailə,Qadın və Uşaq Problemləri üzrə Dövlət Komitəsi tərəfindən Səhiyyə Nazirliyi və Təhsil Nazirliyi ilə birgə əməkdaşlıq çərçivəsində təhsil müəssisələrində növbəti maarifləndirmə tədbiri keçirilib.

 

Aztibb.az xəbər verir ki, Lənkəran Peşə Liseyi, Zaqatala Dövlət İdarəetmə və Texnologiya Kollecinin tələbələri üçün təşkil olunan tədbir “Təhlükəsiz reproduktiv sağlamlıq davranışları və sağlam həyat tərzi vərdişlərinin formalaşdırılması” mövzusuna həsr olunub.

 

Dövlət Komitəsinin Ailə Problemləri şöbəsinin baş məsləhətçisi Nailə İbrahimova çıxış edərək gənclərin həyatında reproduktiv sağlamlıqla bağlı yaşanan problemlərdən, ailə planlaşdırılmasının vacibliyindən və erkən nikahların fəsadlarından bəhs edib.

 

Sonra Səhiyyə Nazirliyinin İctimai Səhiyyə və İslahatlar Mərkəzinin həkim-metodisti Zümrüd Kazımova geniş təqdimatla çıxış edib. O, sağlam həyat tərzinin əsas amilləri və zərərli vərdişlərin sağlamlığa təhlükəli təsirləri, eləcə də reproduktiv sağlamlıq barədə ətraflı məlumat verib.

 

Yekunda iştirakçıları maraqlandıran suallar cavablandırılıb.