TƏBİB-in İdarə Heyətinin sədri vəzifəsini icra edən Vüqar Qurbanov Türk Əməkdaşlıq Koordinasiya Agentliyinin Bakı koordinatoru Fatih Yılmaz və qurumun məsul şəxslərini qəbul edib.

 

Görüşdə Vüqar Qurbanov tibb işçilərinin bilik və bacarıqlarının artırılması istiqamətində davamlı tibbi təhsilin böyük əhəmiyyətə malik olduğunu bildirib. O, işğaldan azad olunmuş ərazilərdə görüləcək işlər barədə məlumat verərək Şuşada həyata keçirilməkdə olan tibb xidmətinin təşkili ilə bağlı layihədə əməkdaşlıqdan bəhs edib.

 

Daha sonra çıxış edən Fatih Yılmaz iki dövlət üçün əhəmiyyətli olan bu işbirliyinin qeyd olunan bütün aspektlərinə müsbət yanaşdığını, əməkdaşlığı gələcəkdə daha fərqli sahələrdə də davam etdirmək niyyətində olduqlarını vurğulayıb.

 

Tədbir gələcək əməkdaşlıq çərçivəsində həyata keçirilməsi nəzərdə tutulan layihələrin müzakirəsi ilə davam etdirilib.