Aztibb.az xəbər verir ki, bu simpozium qısa, orta və uzunmüddətli perspektivdə birgə görüləcək işlərə dair texniki fikir mübadiləsinə dəstək olmaq və xəstəxana direktorlarını Türkiyənin təcrübələri barədə məlumatlandırmaq məqsədi daşıyıb.

 

Tədbirdə ÜST-ün Azərbaycandakı nümayəndəsi Hande Harmancı, Səhiyyə Nazirliyinin Tibbi yardımın təşkili şöbəsinin müdiri Səbinə Əhmədova, TƏBİB-in Tibbi xidmətlər departamentinin rəhbəri Firəngiz Əliyeva, o cümlədən sözügedən qurumların müvafiq nümayəndələri iştirak edib və təcili tibbi yardımın təkmilləşdirilməsində dövlətlərarası əməkdaşlığın əhəmiyyətini vurğulayıblar.

 

Qeyd edək ki, Türkiyə Respublikası Səhiyyə Nazirliyi və universitetlərindən dəvət olunan nümayəndə heyəti Səhiyyə Nazirliyi, TƏBİB, Azərbaycan Tibb Universiteti (ATU) ilə sözügedən sahədə işbirliyinə başlayıb. Onlar ATU-nun təcili yardım şöbələrində, Kliniki Tibbi Mərkəzin təmir olunan Təcili Yardım şöbəsində və 103 Təcili Tibbi Yardım stansiyasında səfər ediblər. Hazırda Sumqayıt xəstəxanalarında işlərini davam etdirirlər.

 

ÜST-ün Azərbaycan Nümayəndəliyinin dəstəyi ilə ekspertlərlə bu sahələr üzərində iş aparılacaq: xəstəxanalarda xəstəxanaya qədər və təcili tibbi yardım xidmətlərinin keyfiyyətinin artırılması, təcili tibbi yardım xidmətləri göstərən işçi qüvvəsinin potensialının gücləndirilməsi üçün yeni proqramların yaradılması, xəstəxanalarda infeksiyaların qarşısının alınması və nəzarət edilməsi.