Noyabrın 17-də “Səhiyyə“ işçi qrupunun videokonfrans formatında iclası keçirilib.

Bu barədə Aztibb.az-a Səhiyyə Nazirliyindən məlumat verilib.

Bildirilib ki, iclasda sağlam ömür uzunluğu, doğularkən gözlənilən ömür uzunluğu (HALE), əlilliklə əlaqəli ömür uzunluğu (DALY), Azərbaycanda əhali üçün bu göstəricilərin hesablanma qaydası və hazırki göstəricilər, eləcə də əhalinin sağlamlığının qorunması və sağlam ömür illərinin artırılması ilə bağlı məsələlər müzakirə olunub. Həmçinin səhiyyə sektorunda dövlət-özəl tərəfdaşlığı, bu sahədə beynəlxalq təcrübələrin iqtisadi və sosial əhəmiyyəti, mövcud vəziyyətin dəyərləndirilməsi, kiçik və orta biznesin inkişafının səhiyyə sahəsinə təsiri barədə fikir mübadiləsi aparılıb.

İclasda iştirakçıları maraqlandıran suallar cavablandırılıb. Eyni zamanda, növbəti görüşlər üçün müzakirə olunacaq məsələlər ilə bağlı əsas istiqamət və hədəflər müəyyən edilib.