Aztibb.az xəbər verir ki, ÜST-ün Avropa üzrə Regional Ofisinin Əlillik, Reabilitasiya və Palliativ Yardım üzrə regional müşaviri Satiş Mişra və Əlillik, Reabilitasiya və Səhiyyə xidmətləri üzrə mütəxəssisi Katal Morqanın iştirakı ilə baş tutan missiyanın məqsədi Azərbaycanın KT və reabilitasiya sektorunun fəaliyyətini müşahidə etmək, maraqlı tərəflərlə ÜST-ün təşkilatçılığı ilə dünyanın 67 ölkəsində keçirilmiş və 2021-ci ildə Azərbaycanda həyata keçirilən köməkçi texnologiyalar üzrə ehtiyacları öyrənən “r-ATA” (Sürətli Köməkçi Texnologiyaların Qiymətləndirilməsi üzrə ÜST-ün sorğu vasitəsi) sorğusunun nəticələri ilə bağlı fikir mübadiləsi aparmaq, eləcə də mümkün inkişaf yollarını müzakirə etmək olub.

 

Missiya çərçivəsində mütəxəssislər ÜST-ün Azərbaycan Nümayəndəliyinin əməkdaşları və müvafiq qurumlarla görüşlər keçirib və Azərbaycanda KT və reabilitasiya sektorunun cari vəziyyəti, sorğu və müşahidə nəticələri, mümkün inkişaf yollarını ətraflı müzakirə ediblər.