Azərbaycandan Rusiyaya pomidor və alma ixracına tətbiq edilən məhdudiyyətlərlə bağlı müzakirələr aparılıb
17.11.2021 10:21
Noyabrın 16-da Moskvada Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli ilə Rusiya Federasiyasının Baytarlıq və Fitosanitar Nəzarəti üzrə Federal Xidmətinin (“Rosselxoznadzor”) rəhbəri Sergey Dankvert arasında görüş keçirilib.
Görüşdə iki ölkənin müvafiq qurumları arasında əməkdaşlığın yüksək səviyyədə olduğu qeyd edilib, ikitərəfli ticarət məsələlərinin həllində konstruktiv dialoqun vacibliyi vurğulanıb. Həmçinin kənd təsərrüfatı məhsullarının qarşılıqlı tədarükünün artırılması və məhsulların Rusiya-Azərbaycan sərhədindən keçirilməsi prosedurunun sürətləndirilməsi üzrə birgə tədbirlərin həyata keçirilməsi və yaxın vaxtlarda bununla bağlı iki ölkənin aidiyyəti qurumlarının iştirakı ilə əlavə danışıqların aparılması təklif olunub.
İclasda Azərbaycandan Rusiyaya pomidor və alma ixracına tətbiq edilən məhdudiyyətlərin aradan qaldırılması istiqamətində müzakirələr aparılıb. Qeyd olunub ki, 2020-ci il 10 dekabr tarixindən "Rosselxoznadzor" tərəfindən tətbiq edilmiş məhdudiyyətlər əməkdaşlığın genişləndirilməsi və aparılan birgə videomonitorinqlər zamanı məhsullardan götürülən nümunələrin fitosanitar ekspertizası nəticəsində tədricən aradan qaldırılır. Bu isə, getdikcə alma və pomidor tədarükünün daha da artırılmasına imkan verir. Bildirilib ki, hazırda Rusiya Fedarasiyasına Azərbaycanın 204 müəssisəsi və 1 kənd təsərrüfatı kooperativindən pomidor, 70 təsərrüfatdan isə alma tədarükü mümkündür.
Görüşdə ölkəmizdən məhsul ixrac edən təsərrüfatlarda Azərbaycan Respublikasının Qida Təhlükəsizliyi Agentliyi tərəfindən monitorinqlərin aparılaraq “Rosselxoznadzor”a karantin tətbiq edilən zərərvericilərdən azad müəssisələrin siyahısının təqdim olunması və səlahiyyətli qurumun zəmanəti altında gələcəkdə tədarük imkanlarının genişləndirilməsi barədə razılığa gəlinib.
Bildirilib ki, baytarlıq preparatlarının dövlət qeydiyyatı və dövriyyəsinə nəzarət sahəsində, habelə baytarlıq sahəsində təcrid edilmiş mikroorqanizmlərin ştamlarının identifikasiyası, qeydiyyatı, saxlanılması, yenilənməsi və arxivlənməsi istiqamətində təcrübə mübadiləsinin aparılması, eləcə də transsərhəd heyvan xəstəlikləri ilə mübarizə tədbirlərinin əlaqələndirilməsi əməkdaşlığın genişləndirilməsində mühüm əhəmiyyət kəsb edəcək.
Tədbirdə “Azərbaycan Respublikası Hökuməti və Rusiya Federasiyası Hökuməti arasında bitki karantini sahəsində əməkdaşlıq haqqında Saziş” və “Azərbaycan Respublikasının Qida Təhlükəsizliyi Agentliyi ilə Rusiya Federasiyasının Baytarlıq və Fitosanitar Nəzarəti üzrə Federal Xidməti arasında pestisidlərin və aqrokimyəvi maddələrin təhlükəsiz istifadəsi sahəsində əməkdaşlıq haqqında Saziş”in imzalanması ilə bağlı məsələlər müzakirə olunub. İkitərəfli əməkdaşlığın gündəliyinə daxil olan və qarşılıqlı maraq doğuran digər məsələlərlə bağlı fikir mübadiləsi aparılıb.
Bu bölməyə aid digər xəbərlər
Yeni Klinikada tədbir: “Mənim sağlamlığım mənim hüququmdur”
17.05.2024 | 09:21
Səhiyyə naziri Kubanın ölkəmizdəki səfiri ilə görüşüb
16.05.2024 | 15:02
Biologiya, aqrar və tibb elmləri üzrə Problem şurasının iclasında tibb üzrə 12 dissertasiya mövzusu müzakirəyə çıxarılıb
16.05.2024 | 11:08
İqlim dəyişikliklərinə dair seminar təşkil edilib
14.05.2024 | 15:48
Qubada görülən işlər və qarşıda duran məsələlərə dair regional toplantı keçirilib
13.05.2024 | 15:04
Elmi konfrans: "Travmatik beyin zədələnmələri: multidisiplinar yanaşmanın üstünlükləri”
13.05.2024 | 09:21
Respublika Klinik Xəstəxanasında Ulu Öndərə həsr edilmiş tədbir keçirilib
10.05.2024 | 17:05
Azərbaycan dövlətçiliyinin söykəndiyi təməl prinsipləri Heydər Əliyev tərəfindən yaradılıb
10.05.2024 | 15:43
Elmi-Tədqiqat Ağciyər Xəstəlikləri İnstitutunda Ulu Öndər Heydər Əliyevin 101-ci ildönümü qeyd olunub
10.05.2024 | 13:26
Heydər Əliyev bütün zamanlarda Azərbaycan xalqına ləyaqətlə xidmət etmişdir
10.05.2024 | 11:42
ÇOX OXUNANLAR
Hidrogen xərçəng də daxil olmaqla geniş spektrli xəstəlikləri müalicə edə bilər
13.05.2024 | 08:26
Quba Regional Perinatal Mərkəzinin komandası 28-ci həftəsində doğulan körpənin həyatını xilas edib
16.05.2024 | 12:32
Saray Ailə Sağlamlıq Mərkəzinin terapevti Sevinc Zeynalova vəfat edib
14.05.2024 | 09:47
Almaniyadan dəvət olunmuş ortoped-travmatoloq Diaqnoz Tibb Mərkəzində pasiyentləri ödənişsiz qəbul edir
07.05.2024 | 17:06
Ağcabədi Rayon Mərkəzi Xəstəxanasının kardioloqu - İlqar Quliyev
12.05.2024 | 10:08
Endokrinoloq mühüm elementi olan “xərçəng əleyhinə” menyu təqdim edib
14.05.2024 | 09:18
Şəki Şəhər İcra Hakimiyyəti başçısının müavini onkoloji xəstəlikdən vəfat edib
09.05.2024 | 12:13
Həyat yoldaşına böyrəyini bağışladı
13.05.2024 | 16:19
Qobustan Rayon Mərkəzi Xəstəxanasında göz əməliyyatlarının icrasına başlanılıb
08.05.2024 | 12:03
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib
16.05.2024 | 13:51
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
14.05.2024 | 09:35
"Həkimlərimizi tanıyaq!" rubrikası təqdim edir: Otorinolarinqoloq Vüsal Əliyev
09.05.2024 | 10:07
“Vaksinasiyaya Dəstək” layihəsi çərçivəsində Şəki şəhər Ailə Sağlamlıq Mərkəzində 70-ə yaxın uşaq peyvənd olunub
08.05.2024 | 11:07
Ürək qüsurlarının diaqnostikası və müalicə yolları
08.05.2024 | 15:31
Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
15.05.2024 | 17:07