Azərbaycan Respublikası Dövlət Gömrük Komitəsi Tibbi xidmət İdarəsinin rəis müavini, t.ü.f.d., dosent İsmayıl Əfəndiyev 8-10 noyabr tarixlərində keçirilmiş II Beynəlxalq Qarabağ - Tətbiqi Elmlər Konqresində iştirak edib.

 

Aztibb.az xəbər verir ki, “Zoom” platforması üzərindən dünyanın 20-dən çox ölkəsindən nümayəndələrin qatıldığı konqresdə İ.Əfəndiyev “Azərbaycanda COVID-19 pandemiyası və zəhərlənmələr epidemiologiyası” mövzusunda məruzə ilə çıxış edib. O, COVD-19 pandemiyasının Azərbaycanda zəhərlənmələrinin epidemiologiyasına təsiri barədə danışıb.

 

Həmçinin II Beynəlxalq Qarabağ – Tətbiqi Elmlər Konqresinin altınci panelinin birinci hissəsi Mərkəzi Gömrük Hospitalının Cərrahiyyə şöbəsinin rəisi, ümumi cərrah Namiq Novruzovun və ümumi cərrah Aynur Səfiyevanın moderatorluğu ilə keçirilib. Bu paneldə Dr. Namiq Novruzov “Donor hepatektomiyasından sonra qaraciyər disfunksiyası üçün Ekstraselluar histonların diaqnostik əhəmiyyəti” mövzusunda məruzəsini təqdim edib.

 

Noyabrın 9-da isə AMEA-nın Fiziologiya İnstitutu və Mərkəzi Gömrük Hospitalının birgə həyata keçirdiyi araşdırmanın nəticələrinə həsr olunmuş “COVID-19 nəticəsi pozitiv pasiyentlərdə hematoloji parametrlərin analizi“ mövzusunda məruzə dinlənilib. Qeyd edək ki, Gömrük Hospitalının Tibbi xidmət İdarəsinin Elmi-Təcrübi və Tədris mərkəzinin əməkdaşı Azad Əhmədov və hospitalın həkim-infeksionisti Mədinə Abdullayeva bu tədqiqatın iştirakçısı olublar.

 

Çıxışlar beynəlxalq tədbir iştirakçıları tərəfindən böyük maraq qarşılanıb, çoxsaylı sualları cavablandırılıb.

 

Konqresdə 10-dan çox elm sahəsi üzrə ümumilikdə 220-yə yaxın məruzə dinlənilib.