Aztibb.az xəbər verir ki, ürək-damar cərrahiyyə uzmanı Cabir Gülmalıyev bu barədə məlumat verib.

 

Həkim bildirib ki, qəhvə istehlakı ilə ürək-damar sağlamlığı arasındakı əlaqəyə dair çoxlu araşdırmalar olsa da, qəhvənin təsirləri barədə hələlik dəqiq söz söyləmək mümkün deyil. Tədqiqatlar göstərir ki, orta dərəcədə qəhvə istehlakı ürək-damar sağlamlığı üçün təhlükə yaratmır.

 

C.Gülmalıyevin sözlərinə görə, Avropa Kardioloqlar Cəmiyyəti təsdiq edib ki, gündə 1-2 orta fincan, çox tünd, acı olmayan qəhvə içmək insult və infarkt riskini 21% azaldır. Onlar 450 min pasiyenti 20 il izlədikdən sonra bu qənaətə gəlib. Keyfiyyətli və qədərində qəhvə içənlərdə infarkt, insult nadir halda və çox yaşlı olanda baş verib.

 

"Gündəlik altı və ya daha çox fincan qəhvə istehlak edən insanlar arasında infarkt və digər ürək-damar xəstəlikləri riski arta bilər", - deyə həkim əlavə edib.