Professor Berrin Pehlivan Milli Onkologiya Mərkəzinin maddi-texniki imkanları ilə tanış olub
29.10.2021 17:57

Türkiyənin radiasiya onkologiyası sahəsində tanınmış mütəxəssisi, onkoloq həkim, prof. dr. Berrin Pehlivan Azərbaycana səfəri çərçivəsində Milli Onkologiya Mərkəzində olub.

 

Professor B.Pehlivan mərkəzdə quraşdırılmış avadanlıqlarla yaxından tanış olub.

 

Qonağa Milli Onkologiya Mərkəzində yaradılmış maddi-texniki imkanlar barədə ətraflı məlumat verən qurumun Şüa müalicəsi şöbəsinin rəhbəri, Əməkdar elm xadimi, tibb elmləri doktoru, professor İsa İsayev mərkəzdə hazırda ən müasir tələblərə cavab verən ABŞ və Çexiya istehsalı 8 ədəd avadanlığın quraşdırıldığını diqqətə çatdırıb. Professor İ.İsayev gün ərzində 250-300-ə yaxın, il ərzində ümumilikdə 3000-3500-ə yaxın xəstəyə dövlət hesabına terapiya xidmətləri göstərildiyini qeyd edib. O, mərkəzdə fəaliyyət göstərən mütəxəssislərin dünyanın müxtəlif ölkələrində onkologiya sahəsində böyük nüfuz qazanmış elmi mərkəzlərdə təcrübə keçdiyini diqqətə çatdırıb.

 

Görüşdə, həmçinin mərkəzin Tibbi fizika və kliniki topometriya şöbəsinin rəhbəri Rövşən Rzayev iştirak edib.

 

Prof. B.Pehlivan müəllifi olduğu “50 soruda kanser” kitabını prof. İ.İsayevə və R.Rzayevə hədiyyə edib.

 

Daha sonra türkiyəli professoru tədbir iştirakçılarına təqdim edən İ.İsayev onun onkologiya sahəsində dərin biliyə və zəngin təcrübəyə malik olduğunu, dünyanın müxtəlif ölkələrində təcrübə keçdiyini diqqətə çatdırıb. O, B.Pehlivanın radioterapiyanın müasir vəziyyəti, dünyada bu istiqamətdə gedən proseslərlə bağlı məruzə edəcəyini bildirib.

 

“Onkologiyanın bu günü və gələcəyi” mövzusunda çıxış edən B.Pehlivan İnsan genomu layihəsinin əhəmiyyətindən bəhs edib, bu layihənin həyata keçirilməsi ilə onkologiya sahəsində yeni perspektivlərin açılacağını bildirib. Əlavə edib ki, layihə çərçivəsində insan genomu haqqında daha ətraflı biliklər əldə olunması ilə hər bir xəstəyə fərdi yanaşma tətbiq olunmağa başlayıb. Artıq xəstələrdə xərçəngdə baş verən genetik mutasiyaların təsbit olunmasına böyük önəm verildiyini deyən məruzəçi dərman müalicəsinin bu dəyişikliklərə əsasən müəyyən edildiyini diqqətə çatdırıb: “Hazırda şişə ən  uyğun müalicə üsulunun müəyyənləşdirilməsi nəticəsində xəstənin həyat keyfiyyətinin yüksəldilməsinə imkanlar yaranıb".

 

Türkiyəli professor son illərdə şiş xəstəliklərinin müalicəsi zamanı istifadə olunan dərman preparatlarının sayının artdığını qeyd edib. Eyni zamanda, müasir metodlardan istifadə sayəsində xərçəng xəstələrinin ömrünün uzadılmasına nail olunduğunu vurğulayıb.
 

B.Pehlivan, həmçinin immunoterapiya, radioterapiyanın gələcəyi hesab olunan flaş radioterapiya, protonterapiyanın üstünlükləri barədə ətraflı məlumat verib.

 

Sonda məruzə ətrafında müzakirələr aparılıb, suallar cavablandırılıb.

 

Qeyd edək ki, türkiyəli professor B.Pehlivanın ölkəmizə səfəri çərçivəsində informasiya dəstəyini Aztibb.az səhiyyə portalı həyata keçirir. 

ÇOX OXUNANLAR
 Gənc həkim Samux Rayon Mərkəzi Xəstəxanasında işə başlayıb   
 Xalq yazıçısı Çingiz Abdullayev Mərkəzi Gömrük Hospitaldan evə buraxılıb
Hər gün ispanaq yeməyin FAYDALARI
Peşəkar həkimlərimizi tanıyaq! -  Tibb üzrə fəlsəfə foktoru Sədi Allahverdiyev
Pediatr Sevil Orucovanın məqaləsi:
Tibb üzrə fəlsəfə doktoru Yazgül Abdıyevanı 50 illik yubileyi münasibətilə təbrik edirik!
Bu hallarda qırmızı ət zərərli və ya sağlam hesab edilir
 Qaranlığa qalib gələn təbib - Rəşad Mahmudov yazır...   
Regionlarda fəaliyyət göstərən peşəkar səhiyyə işçilərini tanıtmaqda davam edirik!
 6 yaşlı pasiyent üzərində cərrahi əməliyyat uğurla icra edilib   
 Naftalanda “Zirvələrə yüksələn zərif insan ömrü” adlı tədbir keçirilib   
Maarifləndirici tədbir: “Məişət zorakılığına yox deyək!” 
İcbari Tibbi Sığorta üzrə Dövlət Agentliyi İctimaiyyətlə əlaqələr şöbəsinə işçi axtarılır
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
Elmi-Tədqiqat Pediatriya İnstitutunda akademik Zərifə Əliyevaya həsr olunan konfrans keçirilib