O, Mərkəzi Gömrük Hospitalının Təcili yardım şöbəsində reanimasiya və stabilləşdirmə tələb edən ağır xəstələrin təcili qəbulu, diaqnostik müayinələrin aparılması, kardiovaskulyar, pulmonar, mədə-bağırsaq, kranioserebral və endokrinoloji xəstəlikləri olan xəstələrin vəziyyətinin dəyərləndirilməsi və təxirəsalınmaz tibbi müdaxilələr vasitəsilə xəstələrin vəziyyətinin stabilləşdirilməsi ilə məşğul olub. Həmçinin, COVID-19 pandemiyası dövründə də Hospitalımıza daxil olan COVID-19 xəstələrinə ilk baxış və yardım məhz onun rəhbərliyi altında Təcili yardım şöbəsində göstərilib.

 

R.Qasımova 1981-1987-ci illərdə Azərbaycan Tibb Universitetinin müalicə profilaktika fakültəsində təhsil alıb, 1987-1988-ci illərdə M.N Qədirli adına Mərkəzi Hövzə Xəstəxanasında terapiya ixtisası üzrə internatura təhsili alıb. O, təhsilini davam etdirərək 2010-cu ildə Avstriyanın Vyana şəhərində Allgemeines Krankenhaus Hospitalının Təcili yardım şöbəsində travmatologiya ixtisası üzrə internatura keçib.

 

R.Qasımova 2002-2003-cü illərdə Səudiyyə Ərəbistan Krallığının Əl-Baha şəhərində Raqadan İlk Tibbi Yardım Mərkəzində şöbə müdiri, 2003-cü ildə Balcuraşi İlk Tibbi Yardım Mərkəzinin şöbə müdiri, 2007-ci Səudiyyə Ərəbistanı Krallığının Əl-Baha şəhərində Balcuraşi klinik xəstəxanasının İlk Yardım şöbəsində həkim, 2004-cü ildə Səudiyyə Ərəbistanı Krallığının Məkkə şəhərində Aciyad Hospitalın Təcili Yardım şöbəsində həkim kimi çalışıb.