Minlərlə həkimin başqa ölkələrdə çalışmaq üçün Türkiyəni tərk etdiyi və 8 minə yaxın həkimin isə getmək istədiyi bildirilib. 

Aztibb.az xəbər verir ki, həkimlər daha yaxşı qazanc və humanist mühitdə yaşamaq üçün ölkədən köçməyə çalışırlar. Türkiyədə həkimlərin köçünü dayandırmaq üçün isə səy göstərilmir. 

Həkimlərin daha çox Almaniyaya üstünlük verdiyi qeyd olunur.  

Türkiyə Tibb Dərnəyinin Başçısı professor Şəbnəm Korur Fincancı son 10 ildə Türkiyədən 4900-ə yaxın gənc həkimin mühacirət etdiyini bildirib.  

Halbu ki, bu gün Türkiyə üçün bir həkimin dəyəri təxminən 1 milyon dollardır.  

Hazırda təxminən 8 min həkimin getmək istədiyini bildirir. Bu rəqəmlər həkimlərin sosial mediasından əldə edilib. Xaricə getmək istəyən həkimlər tərəfindən qurulan sosial media hesablarında həkim sayı 8 minə yaxınlaşır.