Aztibb.az xəbər verir ki, ATU-nun rektoru, professor Gəray Gəraybəyli qonaqlara tədris proqramının təkmilləşdirilməsi, təhsil prosesində tətbiq olunan yeniliklər barədə məlumat verib. Son il universitetdə 4 yeni ixtisasın açıldığını deyən professor G.Gəraybəyli yerli tələbələrlə yanaşı, xarici tələbələrin də bu imkanlardan yararlandığını bildirib.

 

Macarıstanın ölkəmizdəki səfiri Viktor Szederkenyi təmsil etdiyi ölkə ilə Azərbaycan arasında yüksək səviyyədə diplomatik və siyasi əlaqələrin mövcud olduğunu, bu əlaqələrin təhsil sahəsini də əhatə etdiyini qeyd edib.

 

Səfirliyin mədəniyyət və təhsil üzrə diplomatı Mihaly Gruber isə çıxışında Macarıstandakı tibb universitetləri ilə əlaqələr yaradılmasının önəmindən danışıb. O, professor G.Gəraybəylini öz ölkəsinə dəvət edib.

 

Görüşdə ATU-nun beynəlxalq əlaqələr üzrə prorektoru, dosent Orxan İsayev, Mətbuat xidmətinin rəhbəri Günel Aslanova da iştirak edirdilər.

 

Sonra qonaqlar universitetdə təhsil alan bir qrup macarıstanlı və digər xarici ölkələrin tələbələri ilə görüşərək onlarla təhsil prosesi haqqında fikir mübadiləsi aparıblar.