Ekopatologiyalar ətraf mütitlə bağlı amillərdən irəli gəlir. Bu çox ya da az yeməklə bağlı həyat tərzinin xəstəlikləridir. Az yeyəndə orqanizmə vitaminlərin, mikroelementlərin, zülalların qatılması da azalır və bu da ağır xəstəliklərə gətirib çıxardır. Çox yeyəndə isə, ürək-damar xəstəliklərinə, xərçəngə, diabetə gətirib çıxardan ağır patalogiyalar yaranır.

Buna görə də, qidalanmanın həddindən artıq və ya balanssız olması onun çatışmazlığından daha az dağıdıcı rol oynayır.

Aztibb.az ekologiya və insan sağlamlığı mövzusunda növbəti yazını təqdim edir.

Alimlərin fikrincə, ekoloji böhranların və kataklizmlərin hazırda arealının həddindən çox genişlənməsinin ən ümdə səbəbi antropogen fəaliyyət və ekoloji bumeranqın təsirindən yaranan qlobal istiləşmə və iqlim anomaliyalarıdır. Onlar qarşısıalınmaz ekoloji disbalans nəticəsində insan üçün qorxulu ekopatologiyaların arealının genişlənməsinə çox böyük zəmin yaradır.

Mütəxəssislər ekopatologiyaları təsnif edərək bir neçə qrupa bölürlər.

Ekopatologiyalara gətirən amillərdən biri  rafinə edilmiş yemək çeşidləridir. Bunları da iqtisadi baxımdan güclü olan ölkələrin böyük şəhərlərində yaşayanlar yeyir. Bunun kimi heyvan piyi, qənd, konservlər, kolbasalar sosislər, hisləmmiş və duzlanmış yeyəcəkləri də tez-tez yemək olmaz, imkan varsa onlardan çəkinmək gərəkdir. Bütün bunlar da mədə-bağırsaq sistemində və ümümiyyətlə bütün orqanizmində xəstəliklərə gətirən patologiyalar yaradırlar.

Ekopatologiyalara səbəb olan digər amillərdən biri mutant genlərin daşıyıcılarında baş verən irsi xəstəliklərdir. Mutasiyaların səbəb olduğu xəstəliklərə xromosom pozğunluqları nəticəsində ortaya çıxan Daun sindromu, hemofiliya və metabolik xəstəlikləri misal göstərmək olar.