“Media, internet üzərindən maarifləndirmə işləri aparılmalıdır. Çox  təəssüf  ki, Azərbaycan mediasında  maarifləndirmə zəifdir. Buna görə də valideynlər haqlı olaraq da öz etirazlarını bildirirlər”.

Aztibb.az xəbər verir ki, bu sözləri psixoloq Ramidə Oqtayqızı AzEdu.az-a açıqlamasında deyib. Onun sözlərinə görə,  uşaqları qorxutmaq, vaksini hər hansısa xəstəliyin mənbəyi kimi bəyan etmək  düzgün deyil. Şagirdləri doğru şəkildə məlumatlandırmalıyıq. Vaksinin insanlara virusdan qorunmaq məqsədilə vurulduğunu, bunun gələcəyimiz üçün faydalı olduğunu uşaqlara başa salmalıyıq.

Psixoloq  bildirib ki, yeniyetmələrə dəqiq məlumatları  bilmədən  “sən alergiyalısan, vaksin vurulsa, səhhətində problem yaranacaq“  kimi ifadələrdən istifadə etmək onların psixologiyasını poza bilər.

Qeyd edək ki, oktyabr ayının 5-dən etibarən Azərbaycanda 12-15 yaşı tamam olmuş yeniyetmələrə COVID-19 xəstəliyi əleyhinə mRNT Pfizer (“Comirnaty”) peyvəndi vurulacaq. Vaksinasiya prosesi mərkəzləşdirilmiş şəkildə Bakı Sağlamlıq Mərkəzində aparılacaq.