COVID-19-a yoluxan AMEA Botanika İnstitutunun Etnobotanika laboratoriyasının müdiri, biologiya elmləri doktoru, professor Səyyarə İbadullayeva 80 saturasiya, 40% buzlaşma ilə Mərkəzi Gömrük Hospitalına müraciət edib.

Bu barədə Aztibb.az-a Səyyarə İbadullayeva özü məlumat verib.

“Mərkəzi Gömrük Hospitalının təcrübəli infeksionist-həkimi Mədinə Abdullayeva başda olmaqla tibb kollektivinin düzgün müalicəsi nəticəsində çox ağır formada keçən COVID-19-dan sağalmağım mümkün oldu. Bütün kollektivə öz təşəkkürümü bildirirəm”, - deyə professor qeyd edib.

Alim, həmçinin xəstəliyi müddətində AMEA-nın vitse-prezidenti, Biologiya və Tibb Bölməsinin akademik-katibi, akademik İradə Hüseynovanın və Azərbaycan Tibb Universitetinin I Cərrahi xəstəliklər kafedrasının müdiri, AMEA-nın müxbir üzvü Nuru Bayramovun onun səhhəti ilə yaxından maraqlandıqlarını vurğulayıb.