Yaponiyalı bacılar əkizlər arasında uzunömürlülüyə görə “Ginnesin rekordlar kitabı”na daxil ediliblər
21.09.2021 10:33

Yaponiyalı bacılar Umeno Sumiyama və Kome Kodama əkizlər arasında uzunömürlülüyə görə rəsmi olaraq “Ginnesin rekordlar kitabı”na daxil ediliblər.

 

Aztibb.az xəbər verir ki, bu rekord barədə sertifikat onlara 108 yaşlarının tamam olmasına bir neçə gün qalmış təqdim edilib. Bildirilir ki, həmin titul onlara 107 yaş 330 gün yaşadıqdan sonra verilib.

 

Bacılara sertifikatlar sentyabrın 20-də - Yaponiyada rəsmi olaraq milli bayram kimi qeyd edilən Ahıllar Günündə təqdim olunub.

 

Bildirilir ki, bu rekord əvvəllər Yaponiyadan olan əkizlər Kin Narita və Cin Kaniyə məxsus olub. Onlar birlikdə 107 il 175 gün yaşayıblar.

 

Hazırkı rekordçuların ölkənin qərbində yerləşən Sadoşima adasında 1913-cü il noyabrın 5-də dünyaya gəldikləri, 11 bacı və qardaşdan ibarət ailənin üçüncü və dördüncü övladları olduqları qeyd edilir. Məktəbi bitirdikdən sonra bacılar müxtəlif adalarda yaşasalar da, 70 yaşdan sonra daha tez-tez görüşərək, birlikdə Yaponiyanın buddist məbədlərini ziyarət ediblər.

 

Hazırda onların ayrı-ayrılıqda müxtəlif qocalar evində yaşadıqları və çoxdan arzuladıqları sertifikatları da məhz bu evlərdə aldıqları qeyd edilir.

 

Əlavə olaraq bildirək ki, hazırda Yaponiyada 86 min 510 uzunömürlü yaşayır və onların yarıdan çoxu 100 yaşı ötüb.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb