BSG peyvəndi vərəm xəstəliyinə qarşı vurulan peyvənddir.

Aztibb.az-ın xəbərinə görə, vərəm dünyada ən çox ölüm hallarına səbəb olan infeksion xəstəliklər siyahısında ön sıralarda yer alır. Aktiv vərəm forması daşıyan və müalicə olunmayan tək bir şəxs, il ərzində 15-ə qədər sağlam insanı yoluxdurma potensialına malikdir.

Vərəm üçün skrininq müayinələrinin hər kəsə şamil edilməsi bu xəstəliyə qarşı cəmiyyətdəki mənfi yanaşmanı aradan qaldıra bilər. Çünki cəmiyyət tərəfindən qınanmaq qorxusu əksər hallarda insanların vaxtında həkimə getməsinə mane olur və nəticədə müalicə gecikir.

Vərəmin yayılmasını dayandırmaq üçün erkən diaqnostika, vaxtında başlayan effektiv müalicə və risk qrupunda olan şəxslərin müəyyən edilməsi vacibdir. Lakin ən güclü müdafiə forması xəstəliyi hələ başlamadan önləməkdir.

Xəstəliyin əsas göstəricilərinə 2-3 həftədən çox çəkən bəlğəmli öskürək, sinədə ağrılar, uzunmüddətli yüksək hərarət, gecə tərləmələri, qəfil çəki itkisi və ümumi halsızlıq daxildir.
Uşaqları vərəm infeksiyasından və onun yarada biləcəyi ağır fəsadlardan sığortalamaq üçün onlar vaxtında peyvənd edilməlidir.

Bu məqsədlə, yeni doğulmuş körpələrə həyatının ilk 12 saatı ərzində BSG peyvəndi vurulur.

Bu peyvənd vasitəsilə əldə olunan immunitet insanı ömrünün sonunadək bu təhlükədən qorumaq üçün kifayət edir.