Aztibb.az-a Qəbələ RMX-dan bildirilib ki, xəstəxanaya müraciət edən 1955-ci il təvəllüdlü şəxs (kişi) ürəkbulanma, qusma, nəcis və qaz ifrazının olmaması şikayətləri ilə daxil olub və zəruri instrumental-diaqnostik müayinələrə cəlb olunub.

 

Pasiyentə düz bağırsağın mənfəzi obturasiya edərək kəskin yoğun bağırsaq keçməzliyi ilə ağırlaşmış törəməsi diaqnozu təyin olunub və pasiyent üzərində cərrahi əməliyyatın icrasına qərar verilib.

Həkim-cərrah Fariz Abdullayev, assistent həkim-cərrah-uroloq Elçin Bağırlı və həkim anestezioloq-reanimatoloq Azər Söhbətov tərəfindən pasiyent üzərində düz bağırsağın ön rezeksiyası kolostoma ilə birgə əməliyyatı uğurla icra edilib.

 

Əməliyyatdan sonra pasiyentə zəruri tibbi xidmətlər göstərilib və müalicəsini uğurla başa vuran pasiyentin vəziyyəti qənaətbəxş qiymətləndirildiyindən o, ambulator müalicə üçün evə buraxılıb.