Bu günlərdə Rusiya Federasiyasınn paytaxtı Moskva şəhərində Otorinolarinqologiya üzrə beynəlxalq miqyaslı qurultay baş tutub.

 

Aztibb.az xəbər verir ki, ölkəmizi qurultayda professor Vəfa Pənahian, tibb elmləri doktorları Fuad Qaraqurbanlı, Kamil Yusifov, polkovnik Elnur Əkbərov və onlayn formatda Ramil Həşimli təmsil ediblər.

 

Beynəlxalq tədbirin açılışında Azərbaycan nümayəndə heyəti adından Azərbaycan Tibb Universitetinin Qulaq, burun və boğaz xəstəlikləri kafedrasının müdiri, professor Vəfa Pənahian çıxış edib. Azərbaycanlı mütəxəssislərin əməkdaşlığa həmişə hazır olduğunu bildirən professor ölkəmizdə otorinolarinqologiya sahəsində əldə olunan nailiyyətləri iştirakçıların diqqətinə çatdırıb. 

 

Qurultayda Azərbaycanlı həkimlərin 4 məruzəsi dinlənilib və təmsilçilərimiz elmi müzakirələrdə 3 dəfə moderatorluq ediblər.

 

Qeyd edək ki, orinolarinqoloqların qurultayı 5 ildə bir dəfə keçirilir. Bu dəfəki qurultaya Avropa və Asiya ölkələrindən, o cümlədən MDB ölkələrindən nümayəndələr də qatılıblar.