Bu vitamin koronavirusun çoxalmasının qarşısını alır
28.08.2020 12:32

Hindistanın Manipal Universitetinin və Regional Biotexnologiya Mərkəzinin alimləri B12 vitaminin koronavirusun çoxalmasını əngəllədiyini müəyyənləşdiriblər.

 

Aztibb.az “IUBMB Life” jurnalında nəşr olunan araşdırmaya istinadla xəbər verir ki, Mütəxəssislər təbii məhsullar və dərmanlar arasında hansı molekulların SARS-CoV-2 genomunda olan və virusun çoxalmasına cavabdeh olan nsp12 polimerazasını əngəlləyə bildiyini öyrənmək üçün kompüter simulyasiyaları icra ediblər. Araşdırma nəticəsində məlum olub ki, B12 vitaminin kofermenti olan metilkobalamin virus hüceyrələrinin çoxalmasının qarşısını ala bilir. 

 

“Bu maddə yoluxma hallarını azaltmaq və xəstəxanada təcili yardım göstərmək üçün tibb işçiləri, yaşlılar və ya xroniki xəstəliklərdən əziyyət çəkən qruplar üçün profilaktik vasitə olaraq təyin edilə bilər”, - deyə məqalədə qeyd olunub.

Bununla yanaşı, tədqiqatçılar COVID-19 xəstələri üçün müalicə protokollarında dəyişiklik edilməsi üçün bir sıra əlavə araşdırmalara ehtiyac olduğunu bildiriblər.

ÇOX OXUNANLAR