Görüşdə Dövlət Gömrük Komitəsi tərəfindən Mərkəzi Gömrük Hospitalı üçün yeni model Kompüter Tomoqrafiya (KT) aparatının alınması məsələsi müzakirə olunub.

 

"Philips" şirkətinin təmsilçisi Hospital üçün alınan yeni növ aparatın imkanları barədə ətraflı məlumat verib. Həmçinin Mərkəzi Gömrük Hospitalında bir qədər əvvəl alınmış Maqnit-Rezonans Tomoqrafiya (MRT) və yeni gətirilən KT aparatından istifadəni dəqiq mənimsəmək üçün həkim-radioloqlar və texniklər arasında əyani və qiyabi (onlayn) treninqlərin keçiriləcəyi bildirilib.

 

Şirkət nümayəndələri müəssisənin istehsal etdiyi müasir avadanlıqlar, o cümlədən yeni növ angioqraflar və ultrasəs aparatları barədə də məlumat veriblər.

 

Sonda suallar cavablandırlıb, alınan cihazların zəmanəti məsələsi və zəmanət bitdikdən sonrakı dövrlərdə onlara tibbi xidmətin təminatından bəhs olunub.