Milli Onkologiya Mərkəzində Azərbaycan Onkoloqlar Cəmiyyətinin növbəti iclası keçirilib. Tədbir videokonfrans formatında, “Zoom” platforması üzərindən onlayn baş tutub.

Aztibb.az xəbər verir ki, Azərbaycan Onkoloqlar Cəmiyyətinin sədrinin birinci müavini, professor Əflatun Kərimov iclası açaraq COVID-19 pandemiyası dövründə onkoloji xidmət barədə iştirakçılara məlumat verib.

İclasda Torakal onkologiya şöbəsinin həkimi Elvin Həmzəyevin “Ağciyər rezeksiyası sonrası nadir ağırlaşmalardan olan orta pay sindromu ilə təzahür edən pay burulması”, İnvaziv diaqnostika və müalicə şöbəsinin həkimi Nərgiz Əfəndiyevanın “Milli Onkologiya Mərkəzində invaziv diaqnostika və müalicə üsulları”, eləcə də Rentgen və USM diaqnostika şöbəsinin həkimi Turab Abdiyevin “Peritoneal karsinomatozis ” mövzularında məruzələri dinlənilib. 

Tədbirin sonunda mövzular üzrə müzakirələr aparılıb. 

Qeyd edək ki, Azərbaycan Onkoloqlar Cəmiyyətinin növbəti iclasının 4 oktyabr 2021-ci il tarixində keçirilməsi planlaşdırılır.