Yaponlar çayı əkməzdən əvvəl torpağı çaya görə təbii gübrələrlə zənginləşdirirlər, Onlar gübrə məqsədilə satılmayan balıqlardan təbii gübrələr hazırlayıb torpağa verirlər. Sonra əkim başlayır, 8 ildən sonra isə yığım başlayır. Yığılmış yarpaqlar dünya praktikasından fərqli olaraq yaş halda dondurularaq saxlanılır. Bu zaman çayın tərkibindəki yaşıllıq verən maddə olan xlorofillər qorunur. Bu, kifayət qədər bahalı üsuldur. 

 

Aztibb.az xəbər verir ki, həkim-fitoterapevt Fizuli Hüseynov Yapon yaşıl çayının faydaları ilə bağlı sosial şəbəkədə məlumat verib.

 

F.Hüseynov bildirib ki, dünyada ən çox içilən içkilərdən biri də yaşıl çaydır. Yaşıl çayların içərisində isə ən keyfiyyətlisi Yapon yaşıl çayıdır.

 

Həkimin sözlərinə görə, Yapon çayının xərçəng, skleroz, alzheymer, sistem xəstəlikləri əleyhinə antioksidant özəlliyi digər yaşıl çaylardan 100 qat daha güclüdür. Çayın tərkibində katexinlər, epiqallokatoxinlər xərçəng əleyhinə güclü antioksidantlardır. Yaponların cavan qalmasının səbəbi də yaşıl çaylardan bol-bol içmələridir. Çayların tərkibindəki aktiv maddələrin yaşlanmaya təsiri bir çox dünya ölkələrindəki laboratoriyalarda təsdiq edilib. Çay güclü piyləri yandırmaq xüsusiyyətinə malikdir. Yapon yaşıl çayı başqa yaşıl çaylardan arıqlamaq təsirinə görə 4 qat daha güclüdür.

 

F.Hüseynov qeyd edib ki, Yapon yaşıl çayınin detoks effekti də vardır. Bu çay orqanizmi ziyanlı maddələrdən, ağır metal duzlarından təmizləmək üçün təsirli vasitədir. Yapon yaşıl çayının tərkibində L- tanin adlı maddə digər yaşıl çaylardan 5 dəfə çoxdur. Bu maddə dopamin və serotonini stimullaşdırır, yaddaşı gücləndirir, əhval-ruhiyyəni yaxşılaşdırır.

 

Fitoterapevt Yapon yaşıl çayının başqa yaşıl çaylardan fərqli olaraq 5-6 dəfə dəmlənilə bildiyini də deyib. Əlavə edib ki, dəmlənilməyə cəmi 1 dəqiqə bəs edər. 1 dəqiqədən sonra çayı stəkandan çıxarıb ikinci dəm üçün saxlamaq lazımdır. Çayın tünd yaşıl rəngdə görünüşü, özünəməxsus spesifik ətri var.