Azərbaycan Milli Elmlər Akademiyasının (AMEA) Fizika İnstitutunun laboratoriya müdiri, Moskva Dövlət Universitetinin Bakı filialının Fizika fakültəsinin dekanı, akademik Ənvər Nəhmədov koronavirusdan vəfat edib. 

Aztibb.az xəbər verir ki, 62 yaşlı alim bir müddət əvvəl koronavirusa yoluxmuşdu. O, müalicə aldığı xəstəxanada dünyasını dəyişib.

Qeyd edək ki, Ə.Nəhmədov 90-a yaxın elmi məqalə, o cümlədən “Aşağı ölçülü sistemlərdə aşqar və korrelyasiya effektləri” kitabının müəllifi idi. Alim elmi yaradıcılığı ilə yanaşı, pedaqoji fəaliyyətlə də məşğul olmuşdu. O, çoxlu sayda beynəlxalq konfrans, simpozium və konqreslərdə məruzələrlə çıxış edərək Azərbaycan elmini təmsil etmişdi.

Allah rəhmət eləsin!