"Bu yaxınlarda professor Tərlan Məmmədovun ixtiralarını Azərbaycanda görəcəksiniz" - Həkim-fitoterapevt
04.09.2021 17:06

Tanınmış həkim-fitoterapevt Fizuli Hüseynov Türkiyənin Səhiyyə Nazirliyinin Sağlamlıq İnstitutları Başkanlığının Peyvənd Elmi Komitəsinin üzvü, Akdeniz Universitetinin professoru, AMEA-nın müxbir üzvü Tərlan Məmmədov ilə görüşüb.

 

Bu barədə məlumatı Fizuli Hüseynov sosial şəbəkədə verib. Akdeniz Universitetində professorla görüşündən bəhs edən həkim-fitoterapevt T.Məmmədovu Azərbaycanın elm ulduzlarından biri adlandırıb. Qeyd edib ki, T.Məmmədov 7 il Yaponiyada 15 il ABŞ-da elmlə məşğul olub. Türkiyə prezidenti, cənab Rəcəb Tayyib Ərdoğan Türkiyə elmini daha da inkişaf etdirmək üçün ABŞ-dan bir neçə alimi ölkəsinə dəvət edərkən, onların içərisində Tərlan müəllim də olub. Bundan sonra o, Akdeniz Unversitetində laboratoriya quraraq öz sözünü deməyə başlayıb:

 

"T.Məmmədovun müəllifi olduğu koronovirus əleyhinə vaksin hazırda yoxlama mərhələsindədir. Alimin COVID-19-un müalicəsi ilə də bağlı mühüm ixtiraları var. O, xəstəlikdən sonra insan bədənində anticisimlərin əmələ gəlməsini sübut edən standart hazırlayıb. Çarəsi olmayan bir çox xəstəliklərin müalicəsi üçün unikal metod hazırlayıb. Metodun məğzi ondan ibarətdir ki, xəstəlik əleyhinə insan bədənində əmələ gəlmiş zülalı bitkilərdə çoxaldaraq onu təmizlədikdən sonra yenidən insan bədəninə yeridərək çarəsi olmayan bir çox xəstəlikləri müalicə etmək mümkün olacaq".

 

F.Hüseynov, həmçinin qeyd edib ki, Tərlan müəllimin elmi işləri dünyanın nüfuzlu jurnallarında çap olunub. Patentləri ABŞ-da dəfələrlə qeydiyyatdan keçib.

 

"Bu böyük şəxsiyyətin gördüyü işlər haqqında zaman-zaman geniş şəkildə yazacam. Bir azərbaycanlı kimi özümə borc bildim ki, bu dahi insanla tanış olum. Demək olar ki, əməkdaşlığa başlamışıq. Bu yaxınlarda Tərlan müəllimin ixtiralarını Azərbaycanda görəcəksiniz" - deyə, həkim-fitoterapevt əlavə edib.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Uzman həkim Şiraslan Baxşəliyev Gəncə Beynəlxalq Xəstəxanasında pasiyentləri qəbul edəcək
Şahdamara stend taxıla bilərmi?
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Qaradağ Tibb Mərkəzində daha bir uğurlu əməliyyat icra olunub
Böyrək daşı xəstəliyi nədir və necə yaranır?
Sürətli döyüntünün tək səbəbi ürək deyil!
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb