Milli Hematologiya və Tranfuziologiya Mərkəzinin icraçı direktoru Valeh Hüseynov, Mərkəzi Qan Bankının müdiri Qumral Ələkbərova, Türkiyə Qan Mərkəzləri və Tranfuziologiya Dərnəyinin İdarə Heyətinin sədri, Dr. Ramazan Uluhan və digər mütəxəssislərin iştirakı ilə onlayn toplantı keçirilib.

 

Aztibb.az xəbər verir ki, tədbir Mərkəzi Qan Bankı əməkdaşlarının (tibbi heyət) Türkiyədə təcrübə proqamlarında iştirakının təmin edilməsi məqsədilə təşkil olunub.

 

Təcrübə proqramı nəzəri və praktik olmaqla iki hissədən ibarət olacaq. Nəzəri hissə pandemiya qaydalarına uyğun olaraq onlayn şəkildə, praktik hissə isə Türkiyə Cümhuriyyətində "Türk Kızılayı"nın bölgə mərkəzlərində, İzmir şəhərində yerləşən İzmir Katib Çelebi Universitetində, Kayseri şəhərində yerləşən Erciyes Universitetində, eləcə də Bursa şəhərində yerləşən Uludağ Universitetində keçiriləcək.