Bütün dünyada həkimlər infeksiyaların effektiv müalicəsini tapmağa çalışırlar. Gettingen Universiteti və Maks Plank Biofiziki Kimya İnstitutunun tədqiqatçıları antibiotiklərin əsası kimi antivitaminlərə diqqət yönəldiblər.
Aztibb.az meddaily.ru resursuna istinadla xəbər verir ki, antivitaminlər vitaminlərin bioloji funksiyasını məhv edən maddələrdir. Bəzi antivitaminlər real vitaminlərin strukturuna bənzər, onların təsirini bloklayan və ya məhdudlaşdıran kimyəvi struktura malikdir. Alimlər B1 vitamininin təbii antivitamininin təsir mexanizmini atom səviyyəsində tədqiq ediblər.
Bildirilir ki, bəzi bakteriyalar rəqabətdə olduğu digər bakteriyaları məhv etmək üçün B1 vitamininin zəhərli formasını istehsal etməyə qadirdir. Tədqiq edilmiş B1 antivitamini bakteriyaların metabolizması sistemindəki əhəmiyyətli zülalı məhv edir. İnsan orqanizminin antivitaminlərin öhdəsindən asanlıqla gəlməsi bu antivitaminləri sahibinin bədəninə zərər yetirmədən antibiotiklər yaratması üçün əlverişli edir.
