Türkiyənin Səhiyyə Nazirliyi əhalinin koronavirusa qarşı vaksinasiyası ilə bağlı yeni qərarlar qəbul edib.

Aztibb.az xəbər verir ki, vaksinasiya yaşı 18-dən 15-ə endirilib.

Xroniki xəstəliyi aşkarlanan yeniyetmələrdə isə 12 yaşdan vaksinlənmə həyata keçirilməlidir.

Həmçinin PCR testinin nəticəsi pozitiv çıxan xəstələrdə vaksin vurulması 3 aydan 1 aya endirilib.

Bundan başqa, Türkiyədə 2 doza “Sinovac”, 1 doza “BioNTech” vaksini vurduran insanlar üçün 4-cü doza vaksin olunmaq seçimi təqdim olunub.

Bildirilib ki, ilk olaraq 4-cü doza vaksin olunmaq üçün səhiyyə işçilərinə və risk qrupuna daxil olan əhaliyə şərait yaradılacaq.