Yaponiyanın Təhsil Nazirliyi koronavirusa yoluxmuş xəstələrin diskriminasiyasının qarşısının alınması ilə əlaqədar tədbirlər görməyə başlayıb.

Aztibb.az xəbər verir ki, bu məqsədlə Təhsil Nazirliyi bütün ölkə üzrə təhsil şöbələrinə və əlaqədar təşkilatlara xüsusi məktub göndərib.

Məktubda bütün məktəblilər və tələbələrdən virusa yoluxmuş və ya həmin xəstəliyin simptomları olan insanlara qarşı diqqətli olmaq, onları dəstəkləmək xahiş olunur.

Sənəd, həmçinin müəllimləri şagirdlərə qeyri-dəqiq və yalan informasiyalara ehtiyatla yanaşmağı, yalnız dəqiq elmi məlumatlar əsasında hərəkət etməyi tövsiyə etməyə çağırır.

Bildirilir ki, bu addım bir sıra xəstələrə və onların ailə üzvlərinə cəmiyyət tərəfindən göstərilən qərəzli münasibət barədə məlumatların yayılmasından sonra atılıb. Eyni zamanda, klasterlərin əmələ gəldiyi bir sıra məktəblər də həmin qərəzli münasibətin hədəfinə çevrilib.

Nazirlik, həmçinin belə diskriminasiyanın yaşandığı ərazilərdəki qaynaq xətt xidmətlərinə də bu barədə informasiya göndərib. Bununla bərabər, nazirlik tərəfindən həmin təhlükəli tendensiyanın qarşısını almaq üçün xüsusi videoçarxların hazırlandığı da bildirilir.