12 Avqust – Beynəlxalq Gənclər Günü ilə bağlı təsdiqlənən tədbirlər planına uyğun olaraq Naxçıvan Uşaq Bərpa Mərkəzində boccia üzrə yoldaşlıq görüşü keçirilib.

Aztibb.az xəbər verir ki, Naxçıvan Muxtar Respublikası Gənclər və İdman Nazirliyinin mətbuat xidmətindən bildirilib ki, oyunda “Babək” və “Culfa” komandalarından yaşı 18-dək olan 8 paralimpiyaçı iştirak edib.

Nəticələrə əsasən, ümumi hesabda 2:0 hesablı üstünlük əldə edən Babək idmançıları görüşün qalibi olub.

Sonda bütün idmançılara hədiyyələr təqdim olunub.

Muxtar respublikanın Gənclər və İdman Nazirliyi ilə Paralimpiya Federasiyasının birgə təşkil etdiyi yoldaşlıq görüşü sağlamlıq imkanları məhdud uşaq və yeniyetmələrin reabilitasiyası, onların idmana cəlbi və bocciaya olan maraqlarının yüksəldilməsi məqsədilə keçirilib.