22-23 iyul 2021-ci il tarixlərində Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən “Autizm spektr pozuntularında koqnitiv və həssas proseslər“ mövzusunda  onlayn konfrans keçirilib.

 

Aztibb.az xəbər verir ki, konfransın məqsədi autizm pozuntusu olan uşaqları, əlilliyi erkən aşkarlamaq və ilkin səhiyyə xidmətlərini yaxşılaşdırmaq istiqamətində müzakirələr aparmaq, eləcə də ölkənin şəhər və rayonlarının müəssisələrində çalışan tibb mütəxəssislərinin peşəkarlıq səviyyəsini artırmaq, onların nəzəri və praktiki bacaraqlarını təkmilləşdirmək olub.

 

Təlimlər Azərbaycan və Türkiyə mütəxəssisləri tərəfindən aparılıb. Məruzələrdə autizm spektr pozğunluğu (ASP) anlayışı, klinik göstəriciləri, genetik və çevrə amilləri barədə ətraflı məlumat verilib, erkən diaqnostikanın rolunun vacibliyi vurğulanıb.

 

Sonda iştirakçıların sualları cavablandırılıb, səmərəli fikir mübadiləsi aparılıb.