Aztibb.az xəbər verir ki, konfransda öncə AR Səhiyyə Nazirliyi, TƏBİB agentliyi və Ümumdünya Səhiyyə Təşkilatının yerli ofisinin nümayəndələri çıxış ediblər. Elmi toplantıda Azərbaycan Tibb Universiteti, İsrail, Qazaxıstan, Rusiya, Moldovanın tibb üzrə ali təhsil müəssisələrinin rəhbərləri, tanınmış professorlar koronavirus infeksiyası ilə bağlı müxtəlif mövzularda məruzələri təqdim ediblər.

 

Beynəlxalq konfransda Azərbaycan Tibb Universitetinin əməkdaşları - professor Rafiq Çobanov “COVID-19-la mübarizədə aparılan karantin tədbirlərinin əhalinin sağlamlığına təsiri”, professor Nərgiz Hüseynova “COVID-19-un bağırsaq formasının orqanizmin immun vəziyyətinə təsiri”, Həyat Əliyeva “COVID-ə yoluxan pasiyentlərdə helikobakteriozun öyrənilməsi” mövzusunda məruzələrlə çıxış ediblər.

 

Konfrans zamanı, həmçinin SARS-CoV-2 infeksiyasına yoluxmadan sonrakı dövrdə anticisimlərin səviyyəsi, KT zamanı döş qəfəsində iltihabın diaqnostikasının meyarları, COVID xəstələrində bakterial koinfeksiyalar, COVID pasiyentlərinin izlənməsi, virusun yeni ştammları ilə bağlı məlum faktlar ətrafında müzakirələr aparılıb.