Son tibbi tədqiqatlar nəticəsində isti havalarda COVİD-19-un yayılmasının yavaşlayacağı iddiası öz ağırlığını itirdi. Yay aylarında virusdan necə qorunmalıyıq, müalicəvi bitkilərdən istifadə mövsümə görə dəyişirmi?

Sözsüz ki, dərman bitkilərindən istifadə mövsümə görə dəyişə bilməz. Bitkilər toplanılır, qurudulur və saxlanılır, bütün mövsümlərdə istifadə edilir. Müalicəvi otlardan istifadə il boyu mümkündür.

İmmun sisteminin bərpaedicisi və qoruyucusu kimi xüsusən, isti havada dərman vasitəsi kimi exinaçeyanın yerüstü hissəsi, dazı otunun yerüstü hissəsi, biyan kökü, itburnu meyvəsi, zəncəfil kökü, rozmarin otu və kasnı kökünün 1:1 nisbətində  fitoçayı tövsiyyə edilir.

Bu soyuq çay kimi də azacıq şəkər qatılaraq tükədilə bilər.

Lakin yay mövsümünün yaxşı tərəfi odur ki, vitamin deposu olan meyvə və tərəvəzlər çox olur və hər kəs istifadə etməklə immunitetini gücləndirə bilər. Digər tərəfdən yayda qışdan fərqli olaraq hava isti olduğu üçün insanlar açıq havada daha çox olurlar.

Unutmayaq ki, kondisioner və qapalı ortamlar xəstəliyi daha da inkişaf etdirir.

biologiya elmləri doktoru, professor Səyyarə İbadullayeva

Aztibb.az