COVID-19 epidemiyasına qarşı Fransanın mübarizəsini qiymətləndirən İsveçrəli epidemioloq və yoluxucu xəstəliklər mütəxəssisi professor Didier Pittet, “bizi tərk etməyəcək bu virusla yaşamağı öyrənməliyik.” deyib.

Aztibb.az xəbər verir ki, bu fikir İsveçrəli professorun 200 səhifəlik hesabatında yer alıb.

“Virusların təbii bir təkamülü var və bunlar zamanla ortaya çıxır, əks halda sağ qalmazdılar. Hazirda təhlükə yaradan Delta variantı daha yoluxucu və daha ölümcüldür. Bu normal haldır ki, bir virus həyatda qalmaq üçün daha çox yayılmalı, daha yoluxucu olmalıdır və ölməmək üçün dəyişməlidir.”

Koronavirusun heç vaxt tükənməyəcəyini vurğulayan D.Pittet zamanla virusla yaşamağı öyrənəcəyimizi deyib. COVID-19-a qarşı immunitet qazanmaq üçün illərin lazım olduğunu bildirən epidemioloq, peyvəndin bu mərhələləri sadəcə sürətləndirməyə kömək etdiyini söyləyib.

4-cü, 5-ci və 6-cı dalğa risklərinin olacağını bildirən D.Pittet vurğulayıb ki, nə qədər çox insan peyvəndlənərsə, risk bir o qədər az olar. 

“Testdən keçilməli və lazımi təqdirdə təcrid olunmalıyıq. Bundan əlavə, sağlamlıq pasportlarından istifadə etmək lazımdır ki, yalnız sağlam insanlar müəyyən fəaliyyətlərə daxil ola bilsinlər.”