Uşaqların peyvənd edilməsi ilə bağlı suallar yenə gündəmə gəldi.

Aztibb.az xəbər verir ki, mütəxəssislər 18 yaşdan yuxarı hər kəsin peyvəndlənə biləcəyini açıqlayır. Lakin peyvənd tətbiq ediləcək yaş qruplarında yaş həddi azaldıqca peyvənd dozasının da miqdarının dəyişəcəyi fikirləri və bu istiqamətdə aparılan sınaq nəticələrinin qiymətləndirilməsi son mərhələyə çatmayıb.

Digər tərəfdən mütəxəssislər onu da bildirir ki, aşağı yaş qruplarını yoluxmadan qorumaq üçün yetkin yaşlıların daha geniş miqyasda peyvəndlənməsini aparmaq lazımdır.

Bununla bağlı İsrail təcrübəsi xüsusi diqqət çəkir. İsraildə böyüklərin peyvəndlənməsinin fəal tətbiqi nəticəsində əhalinin immun sisteminin yüksəlməsində 70% göstərici əldə edilib.

Mütəxəssislər həmçinin peyvəndlərin uşaqların orqanizmində nə dərəcə qoruma təmin edə biləcəyinin də sual altında olduğunu bildirib. Çünki İngiltərə nümunəsində, hələ böyüklərin peyvəndlənməsindən sonra Delta variantına yenə də yüksək yoluxmanın baş verdiyi görülməkdədir. Həm araşdırmalar göstəri ki, Delta variantına qarşı tək bir doza təsirli deyil.

“Ümumilikdə yoluxmanın yayılmasının əsas səbəbi peyvənd edilməmiş qruplardır. Hazırda İngiltərədə yoluxan əhalinin 85%-i peyvənd olunmayanlardır. Nəzərə alsaq ki, uşaqlar da peyvən edilməyən qrupa aiddir, bu məqsədlə dünya səviyyəsində azyaşlıların da peyvənd olunması yolları araşdırılır”, – deyə bildirilib.