Alimlər qan damlası ilə hormonları ölçən mikroçip hazırlayıblar - TƏDQİQAT
01.07.2021 18:48

Rutgers Universitetinin tədqiqatçılar qrupu qanın bir damlası ilə real vaxtda stress hormonlarını ölçə bilən mikroçip hazırlayıblar.

 

Aztibb.az medikforum.ru-ya istinadən xəbər verir ki, alimlər tədqiqatın nəticələrini "Science Advances" jurnalında dərc etdiriblər.

 

Hazırda kortizol səviyyəsinin ölçülməsi üçün bahalı və nəhəng laboratoriya qurğuları tələb olunur. Tədqiqatçılar gündəlik həyatda onun qanda səviyyəsini izləmək üsulunu axtarırdılar. Onlar biomolekulların aşağı səviyyələrini də aşkar edə bilən, insan saçından daha incə sensorları qurmaq üçün istifadə olunan kompüter çiplərinin istehsalı texnologiyasından yararlanıblar. Alimlər revmatoid artriti olan pasiyentlərin qanının 65 nümunəsində kiçik ölçülü qurğunun effektivliyini təsdiq ediblər.

 

"Nanosensorlardan istifadə kortizol molekullarını hər hansı başqa molekullardan və ya hissəciklərdən istifadəyə ehtiyac olmadan aşkar etməyə imkan verdi", - deyə tədqiqatın aparıcı müəllifi Reza Mahmudi bildirib.