26 iyun 2021-ci il tarixində Azərbaycan və Türkiyə invaziv kardioloqlarının birgə iştirakı ilə “Kardioonlayn Azərbaycan” onlayn tədbir keçirilib. Toplantı Azərbaycan Kardiologiya Cəmiyyəti ilə “Cardionline Complex Coronary İntervention Course” şirkətinin təşkilatçılığı ilə baş tutub.
Aztibb.az xəbər verir ki, toplantıda müasir kardiologiyanın ən böyük nailiyyəti hesab olunan invaziv kardiologiyanın ən son nailiyyətlərindən danışılıb. Bildirilib ki, invaziv kardiologiya koronar angioqrafiya və stent qoyulması da daxil olmaqla geniş və əhəmiyyətli bir sahəni əhatə edir.
Tədbirdə canlı invaziv prosedurlar, eləcə də kardioloqların klinik və praktik bilgiləri də nümayiş etdirilib.
Sonda mövzu ətrafında müzakirələr aparılıb, iştirakçıların sualları cavablandırılıb.