Türkiyənin koronavirus peyvəndi “TURKOVAC”ın 3-cü faza tədqiqatlarına Türkiyədən başqa 5 ölkə daha cəlb edilib.

Aztibb.az xəbər verir ki, Türkiyənin Səhiyyə Nazirliyinin Azərbaycan, Macarıstan, Polşa, Özbəkistan və Qırğızıstandan mövzu ilə bağlı müsbət rəy aldığı öyrənilib.

“TURKOVAC”ın Erciyes Universiteti, Səhiyyə Nazirliyi və Türk Sağlamlıq İnstitutlarının rəhbərliyi ilə əməkdaşlığı çərçivəsində baş tutacaq 3-cü faza tədqiqat işində müəyyən olunan şərtlərə cavab verən 18-55 yaş arası 40,800 iştirakçı könüllü peyvəndlənəcək.

Yerli peyvəndin 3-cü faza tədqiqatlarının Türkiyədən başqa beş ölkədə də aparılacağı bildirilib.

Sağlam könüllülərlə aparılacaq 3-cü faza klinik tədqiqatı peyvəndin təhlükəsizliyini və effektivliyini təyin etmək məqsədi daşıyır. 

5 ölkədəki sınaqlarda fərqli nəticələrə görə qiymətləndirmələrin də fərqli olacağı proqnozlaşdırılır. Peyvənd olunmuş könüllülər 1 il ərzində yaxından izləniləcəkdir.

“TURKOVAC” peyvəndinin oktyabr ayında, təcili istifadənin isə noyabr ayında təsdiqlənəcəyi gözlənilir.