İranın Koronavirusla Milli Mübarizə Komitəsinin qərarına əsasən, Tehran vilayətinin məscidlərində matəm mərasimləri (məhərrəmlik mərasimləri) qadağan edilib.

Aztibb.az xəbər verir ki, bu, Tehran vilayəti Məscidlərinin Məsələlərinin Araşdırılması üzrə Mərkəzinin qərarında qeyd olunub.

Məhərrəm ayının başlanması ilə əlaqədar bildirilir ki, Tehran vilayətində koronavirus güclü şəkildə yayıldığına görə, rəsmilər yeni qərarın icra olunmasının zəruriliyini vurğulayıblar. Yeni qərar barədə tənqidlər olsa da, İranın dini liderinin İranın Koronavirusla Milli Mübarizə Komitəsinin qərarlarının yerinə yetirilməsi ilə əlaqədar göstərişi nəzərə alınaraq, məscidlərin imamları, təşkilatçılar və məscidlərin nümayəndələri qapalı məkanda Məhərrəm ayında istənilən matəm mərasimlərini, hətta qısa zamanda olsa belə, təşkil etməkdən çəkinməlidirlər. Əhali namazını səhiyyə protokolları əsasında qılmaqla kifayətlənməlidir.

Həmçinin açıq məkanları (məscidlərin həyətləri və s.) olan məscidlərdə matəm mərasimləri səhiyyə protokolları əsasında keçirilə bilər.