“BioNTech”in İdarə heyətinin rəhbəri Uğur Şahin şirkətin illik ümumi yığıncağındakı çıxışında istehsal etdikləri peyvəndlərin ortaya çıxan yeni variantlara qarşı da təsirli olduğunu bildirib: “Hələ ki, peyvəndimizi yeni variantlara qarşı uyğunlaşdırmaq üçün bir əsas yoxdur”.

Aztibb.az xəbər verir ki, şirkətin qurucusu “BioNTech”in texnologiya, istehsal və digər əlaqəli sahələrdə durmadan çalışdığını söyləyib: “Mövcud peyvəndləri yeniləmək və ya yeni ortaya çıxan bir virus növünə qarşı üçüncü bir doza tələb olunarsa, tez bir zamanda buna reaksiya verilərək peyvəndin yeni variantlara qarşı təsiri təhlil ediləcək”.

Amerikalı ortağı “Pfizer” ilə bu il üç milyard doza peyvənd istehsal etməyi planlaşdırdıqlarını deyən şirkət rəsmisi, bu rəqəmin gələn il daha da artacağını bildirib.