Qərb diyetoloqları çuğundurdan daha çox istifadə edilməli və inanılmaz faydalı olduğunu bildirib.
Aztibb.az Meddaily.ru-ya istinadən xəbər verir ki, çuğundurun həm çiy, həm də bişirilərək yeyilməsi məsləhət görülür.
Mütəxəssislər çuğundurun ürək-damar xəstəliklərinin qarşısının alınması və mədə-bağırsaq traktının normallaşdırılması üçün əla bir məhsul olduğunu qeyd edib.
Çuğundurun tərkibində lif, A və C vitaminləri, tiamin, niasin, dəmir, kalsium, fosfor və protein var.
100 qram çuğundurda 128 milliqramdan çox alkaloid, 16 milliqram bitki steroidi, 6 milliqram flavonoid, 115 milliqram terpenoid, 3 milliqram saponin və 11 milliqram beta-karotin var.
Çuğundurun tətkibində olan bu aktiv maddələr bədəndə daxili iltihabın qarşısını almağa, qan təzyiqini tənzimləməyə və təbii detoksifikasiyanı artırmağa imkan verir. Çuğundur həmçinin xolesterol səviyyəsini azaldır və lif vasitəsilə bağırsağın işini yaxşılaşdırır.