TƏBİB və Beynəlxalq Qızıl Xaç Komitəsinin (BQXK) əməkdaşlığı çərçivəsində Goranboy, Tərtər, Ağstafa, Beyləqan, Tovuz, Bərdə, Gəncə və Şəmkir RMX-ların psixiatrları Bərdə şəhərində həyata keçirilən “Cəbhəyanı bölgədə yaşayan əhaliyə psixososial dəstək-əsas psixiatrik məsələlər” təlimində iştirak edib.

 

Aztibb.az xəbər verir ki, 2 modul və superviziya görüşlərindən ibarət olacaq təlimlərin ilk hissəsi zamanı post travmatik stress pozuntusu, kəskin stres, böyüklər və uşaqlar üçün stress və travma haqqında psixo-təhsil, münaqişə qurbanlarına ilkin psixoloji yardım, yas zamanı dəstək və emosiyaların idarə edilməsi mövzuları ətrafında təcrübə mübadiləsi aparılıb.

 

Qeyd edək ki, superviziya görüşləri və 2-ci modul təliminin 2021-ci ilin iyul və sentyabr aylarında keçirilməsi nəzərdə tutulur.