Ötən həftə İngiltərədə aparılan bir araşdırmanın nəticələrinin yer aldığı nəşrdə “Pfizer-BioNTech” və “AstraZeneca” peyvəndlərinin son vaxtlar dünyada gərginlik yaradan Delta variantına qarşı möhkəm qoruma təmin etdiyi ifadə edilib.
Aztibb.az xəbər verir ki, İngiltərə Xalq Sağlamlığı Mərkəzi iki dozada “Pfizer-BioNTech” peyvəndinin 96%, “AstraZeneca” peyvəndinin isə 92% qoruma təmin etdiyini açıqlayıb.
Araşdırmada 12 aprel və 4 iyun tarixləri arasında İngiltərədə xəstəxanaya yerləşdirilən 166 nəfər də daxil olmaqla Delta variantına yoluxmuş 14.019 nəfər iştirak edib.
Mərkəz Delta variantını öyrənmək üçün daha çox tədqiqatın aparılmasına ehtiyac olduğunu bildirib.
“Koronavirusun mövcud və ortaya çıxan variantlarına qarşı maksimum qorunma təmin etmək üçün təqdim olunan peyvəndlərin iki dozada vurdurulması vacibdir”, – deyə İngiltərə Xalq Sağlamlığı Peyvəndləmə şöbəsinin müdiri Mary Ramsay bildirib.